விடிந்தும் விடியாமல் இருக்கும் காலைப் பொழுது பார்க்க அழகு
லேசாகப் படிந்திருக்கும் பனிக்கூட்டம் கூடுதல் அழகு
வேலைக்குப்போகிறவரும் பள்ளி செல்பவரும் ரயிலுக்காகக் காத்திருப்பது அழகு
எல்லோர் தூக்கத்தையும் கெடுத்துக்கொண்டு தான் பெரிய ஹீரோவாக வரும் ரயில் அழகு
A.R றஹ்மானுக்கு போட்டியாக மியூசிக் போடும் அவனின் இயந்திரச் சத்தம் அழகு
அவனுடன் போட்டி போட்டுக்கொண்டே ஓடும் இயற்கைக் காட்சிகள் ரொம்ப அழகு
கறுப்பு நிறத்தவன் வால்க்மன் கேட்டுக்கொண்டே தலையை ஆட்டுவது அழகு
போலிஸ் வர இருக்கயில் போட்ட காலை தூக்கும் அவனின் மரியாதையும் அழகு
செய்தி தாள் படிக்கும் வெள்ளை மூதாட்டியின் கண்ணாடி அழகு
காதல் ஜோடியின் அரவணைப்பு வார்த்தைகள் கேட்க அழகு
எங்கோ ஓர் தூரந்தில் பறக்கும் பறவையின் சிறகு அழகு
யன்னல் ஓரம் சாய்ந்துகொண்டே தூங்கும் மாணவியின் கூந்தல் தூக்கல்அழகு
மழலைக் குட்டி ஒன்றுக்கு அவள் தாய் தரும் பாசமுத்தம் மாசில்லா அழகு
நீயும் நானும் ரயிலில் பயணிக்கும் அதிஸ்டம் கிடைத்தால் கொள்ளை அழகு!
-கேதாரன்
Aucun commentaire:
Enregistrer un commentaire